17 қыркүйек 2024, 15:44 627

«Қазпрофтранс-2024»: Құрық порты – жеңімпаз атанды

Бұған дейін «Қазпрофтранс-2024» теміржол футбол лигасының Кубогы үшін шағын футболдан өңір теміржолшылары арасында іріктеу кезеңі өткен болатын. Жуырда сол сайыстың екінші туры өтіп, оған Батыс Қазақстан өңіріндегі командалар өзара сайысқа түсті.

Турнирге Ақтөбе облысының НОД ЖТ-11, Илецк ВЧДЭ, Ақтау Құрық порты және ТЧЭ-3 Атырау командалары қатысты. Ойыншылар сайысқа тыңғылықты дайындалғаны байқалды. Жарыс ерекше талас-тартыспен өтті. Төрт команда бір-біріне оңайлықпен беріле қоймады. Ұпай жіберіп алғаны қарымта қайтару үшін шабуылды үдетіп, жаңа ойын тәсілдерін қолдануға көшеді. Жанкүйерлер де қиқулап стадионды бастарына көшірді.

Қысқасы, батыс аймағының кубогын жеңіп алу үшін ойыншылар барын салды. Ақыр соңында маңғыстаулық Құрық порты командасының басымдығы айқын сезіліп, жүлделі бірінші орынды иемденді. 2-орынды Атырау локомотив депосының командасы, 3-орынды Ақтөбе, ал 4-орынды Илецк ВЧДЭ командасы иеленді. Атырау ЖТ бөлімшесі кәсіподағының спорт секторы Р.Иманғазиевтің айтуынша, енді маңғыстаулықтар командасы Орал қаласында өтетін «Қазпрофтранс-2024» Кубогының ақтық сайысында өнер көрсетеді.

Қосұйым Мұқашев

Дереккөз: "Қазақстан теміржолшысы"

Еще больше новостей на нашем telegram-канале , подписывайся и будь в курсе!

К списку статей Следующая статья